Ճարպային ուռուցքներ. ankakh.com

Ճարպային ուռուցքը կամ լիպոման ենթամաշկային բարորակ նորագոյացություն է, որն առաջանում է ճարպային հյուսվածքից: Ճարպային ուռուցքները սեռ ու տարիք չեն ճանաչում, այդուհանդերձ, տղամարդկանց մոտ ավելի հաճախ են հանդիպում: Գուցե դրա պատճառը մաշկի ճարպուղիների աստիճանաբար առաջացող խցանումն է: Սկզբում այն փոքր կոշտացում է հիշեցնում, որի չափը չի գերազանցում 2 մմ-ը: Ապա ուռուցքը մեծանալով՝ կարող է մի քանի սմ-ի հասնել: Տղամարդկանց այնքան էլ չի հուզում այդ երևույթը, իսկ կանայք անմիապես միջոցներ են ձեռնարկում դրանցից ազատվելու համար:

Ճարպային ուռուցքը բացարձակ անվնաս է, իսկ չարորակի վերածվելու հավանականությունը որևէ կերպ չի հաստատվել: Ճարպային ուռուցքը բարորակ գոյացություն է, դանդաղ էլ աճում է ու այլ օրգաններում ու հյուսվածքներում չի տարածվում, իսկ բուժում պահանջվում է միայն այն դեպքում, եթե ճարպային ուռուցքը չափսերով մեծացած է ու կոսմետոլոգիական թերության է վերածվել:

Ճարպային ուռուցքի առաջացման հիմնական պատճառներն անհայտ են: Ոմանք կարծում են, որ դա կապված է ճարպային հյուսվածքներում նյութափոխանակության խանգարման հետ, իսկ ոմանք էլ` լյարդի, հիպոֆիզի, վահանաձև գեղձի ու ենթաստամոքսային գեղձի հիվանդությունների հետ: Այն կարող է հայտնվել մարմնի տարբեր տեղերում` մեջքին, ոտքերին և ուսերին, դեմքին ու ազդրերին: Ճարպային ուռուցքը տեղակայվում է մաշկի վերին շերտերում: Սակայն դեպքեր են լինում, որ ուռուցք է գոյանում ճարպաշերտ ունեցող ներքին օրգանների վրա: Բոլոր դեպքերից գուցե ամնեատհաճը դեմքի ճարպային ուռուցքներն են, ուստի պետք է մտածել դրանց բուժման մասին:

Ճարպային ուռուցքը, բարեբախտաբար, միայն գեղագիտական տհաճություն է: Հաճախ այն տեղակայվում է ճակատի վրա կամ կոպերին: Արտաքինից մաշկային աթերոմա հիվանդություն է հիշեցնում:

Ճարպային ուռուցքն ինքնուրույն չի վերանում, իսկ ժողովրդական միջոցներն ու թրջոցները չեն օգնում: Եթե դեմքին հայտնված ճարպային ուռուցքը մտահոգում է, ապա պետք է միմիայն մասնագետի դիմել:

Ներկայում բուժման երկու մեթոդ է առաջարկվում: Դեղորայքային. հատուկ ասեղով ճարպագնդի մեջ է ներարկվում դեղը, որի ազդեցությամբ ուռուցքը նվազում է, ապա անհետանում: Արդյունքը տեսանելի է բուժումը սկսելուց 2 ամիս անց:

Երկրորդ` վիրաբուժական մեթոդը կիրառվում է այն դեպքում, եթե ճարպային ուռուցքի չափերը չեն գերազանցում 3 սմ-ը: Վիրահատությունը կատարվում է տեղային անզգայացմամբ ու լիովին հեռացվում է:

Երկրորդ մեթոդը գործնականում չի կիրառվում, քանի որ վիրահատությունից հետո դեմքին ոչ այնքան մեծ, սակայն տեսանելի սպիներ են մնում: Սակայն, ժամանակակից բժշկությունը հնարավորություն է տալիս ճարպային ուռուցքների հեռացում կատարել հատուկ սարքավորման` էնդոսկոպի օգնությամբ, որի արդյունքում հաճախորդի դեմքին վիրահատության հետք չի մնում:

Դեմքին տեղակայված ճարպային ուռուցքի հեռացման նպատակով լազերային վիրահատությունը ևս ցուցված է և երաշխավորում է անսպի հեռացում: Նման վիրահատության համար հաճախորդի հոսպիտալացում չի պահանջվում:

Հեռացում ցուցված այն ժամանակ, երբ անընդհատ աճ է նկատվում, իսկ հեռացնել այն, թե՝ ոչ, յուրաքանչյուր ոք ինքն է որոշում:

Շատերը կարծում են, թե ճարպային ուռուցքից կարելի է ազատվել քաշը պակասեցնելու օգնությամբ: Դա մոլորություն է:

Եվ, կրկին հիշենք, որ ոչ մեծ չափի ճարպային ուռուցքից ավելի հեշտ է ազատվել, ուստի պետք է մասնագետի դիմել ժամանակին, երբ դեռևս փոքր է: Այդ դեպքում նաև սպին փոքր ու գրեթե աննկատելի կլինի:

Հարցեր, պատասխաններ, մեկնաբանություններ